XX. mendeko Euskararen Corpus estatistikoa
Testuingurua
Nire iritzia erabakitzailea izango zela esan ziotela eta, idazle gisa zuen esperantza bakar bihurturik nintzen, iluntasun ikaragarrian zeukan argitxo bakar.
Barre egin genion luze Záturecky jaunari, zeinaren deitura ponpoxoak liluratu egiten baikintuen; baina krudelkeriarik gabe egin genion barre, zeren zuzentzen zidan laudorioak, batipat pattar botila bikainarekin nahasian, bigundu egiten baininduen.
Bigundu, bai, eta halako moldez non lipar ahaztezin haietan mundu guztia maite izan bainuen.
Jakina, mundu guztitik Klara nuen maiteen, nire aurrean eserita egote soilagatik behinik behin, gainontzeko mundua Vrsovitse auzoko nire ganbarako hormen atzean ezkutatzen zitzaidan bitartean.